El Born

 
約了友人到銅記食晚飯。

假日之下都係BOOK定位穩陣點，揀了El Born，主打傳統西班牙菜。

廳內堂設計西式，以白磚牆及木系為主，感覺柔和，坐的是梳化椅感覺舒適，設有露天位置，不論裝潢及氣氛都有著異國風情之感。

餐牌，本身想食招牌西班牙脆皮乳豬髀，可惜當日售罄~侍應都唔好意思等我地慢慢再揀，只好食其他。

Sangria Virgin，$140，似Fruit Punch，酸酸甜甜味道清新。

Beef carpaccio，$148，薄切生牛肉片、巴馬臣芝士及火箭菜，組合上都幾多材料，薄切生牛肉片口感軟嫩，配材煙紅椒蛋黃醬有蛋黃醬、炸乾蔥、杏仁片及巴馬臣芝士香口惹味有咬口，加上火箭菜増添清新。

Spanish Egg，$65，西班牙炸蛋，好大件炸蛋~外皮香脆惹味，中層肉餡好juicy，半熟蛋口感軟滑幾好味。

Mariscos，$328。

招牌西班牙海鮮飯，海鮮有蝦、青口、蜆及魷魚等，蝦爽口，青口及蜆鮮甜，飯粒軟身得來帶點咬口，味道濃郁，有鮮香味，不俗。

食物味道不俗，坐得舒適，價格合理，服務態度幾好值得一讚，下次有機要來試下西班牙脆皮乳豬。

銅鑼灣百德新街58-64號Fashion Walk地下D舖