譚家魚翅 (新馬路)

 
來到福隆新街想食返碗翅，太耐冇來，古老的街道由紅變綠。

本身想去的添發排長龍，見周圍都係譚家魚翅，話時話未幫襯過，趁今次試下，點知就中伏！

門面售賣魚翅等乾貨，行入點就係餐廳( 因為打通)，我哋4人即有位，入座等左成10幾分鐘都冇人招呼，催左3-4次比壺茶都冇反應，每位收$6茶錢但一壺茶都冇😡！個場又唔係好多人都咁款，之後比壺茶又冇茶葉得水😵！咩料呀大佬！個職員仲要黑面。

張枱得一個餐牌，散叫嘅碗仔翅果個餐牌又冇，之後去左隔離枱拎另一個餐牌先有即點餐（有一刻懷疑想局人地點小菜同Set)。

石窩中鮑翅，$55，熱騰騰，份量適中，味道上，翅的確係有嘅，兩條，味道就真係唔掂，重味精嘅粉水⋯食完仲要好口喝，唔好食。

真係差的一間，唔怪之得冇人排🥹唔好食唔值呢個價態度又差好趕客。

新馬路福隆新街48號地舖