BYOB Coffee Roaster

 
假日約了友人到屯門行山，行山後搵日地方食午餐，友人推介有間CAFE幾正，一於去試下，剛好係午餐時段，比較多人但好快有位。

餐廳內堂位子不多，以白色及木系為調，感覺柔和，設有露天位置，坐的是藤椅，位子闊絡，加上當日天氣幾好，感覺十分舒適。

餐牌，都係CAFE會有的食物，All Day Breakfast、意粉及小食等，反而留意左個價格都幾平。

玫瑰鮮奶咖啡(熱)，$39，拉花好靚，口感綿密，有淡淡的玫瑰味。

小山園抹茶鮮奶(凍)，$40，友人的。

北海道帆立貝明太子意粉，$100，兩粒大件的帆立貝，味道鮮香，口感爽彈，有蘑菇片伴食增強口感，意粉軟硬適中，明太子醬汁多，口感creamy，都不俗呢。

火炙芝士肉醬意粉，$80，芝士肉醬味道濃郁，味道正常水準。

酥脆全日早餐，$128。

好少見到以炸野為主的早餐好奇試下，賣相有霸氣，份量十足，有酥炸碟魚、吉列廣島蠔、薯絲蝦、炒蛋、黑松露炒雜菌、茄汁豆及什菜沙律等，焦點的炸碟魚，好脆口，魚肉不多，食落似煎魚，吉列廣島蠔，酥脆有蠔味，薯絲蝦，薯絲硬左少許，炒雜菌幾美味。

食物味道不俗，都幾抵食，不收加一，露天位坐得舒適，環境寧靜，對住輕鐵，加上風和日麗，Relax之感。

屯門良德街8號珀御地下G06號舖