2020年12月13日 星期日

壽司郎

某日有野買要到長沙灣一轉,順便約長沙灣之友食飯,揀了壽司郎,記得對上食壽司郎已係上年既事(佐敦店),短短日子已開了不少分店,印象上平,食物幾好同抵食,講起來呢間店位置都幾正,對住戲院,感覺好方便,因友人已預先拎飛,放工去到時等了5-6分鐘即可入去了,thank友人呢。

Burger Home

 

10月某日的lunch,公司自由食飯時間,多數揀下先茶,唔知食咩好,諗返好耐冇食過burger home,一於去食。

享慢煮泰

 

11月時的2人聚餐,友人上網見到西環尾開了一間餐廳,主打泰法fusion菜,當中的名物是冬蔭龍蝦湯流心牛角包,十分吸引,見個價錢又唔貴,一於試下,thank友人book位。

2020年12月10日 星期四

Cs' Bakery

11月中久違了的2人聚會,疫症之下真係太難見到面了!難得聚舊,搵間靚點的cafe坐下食下野吹下水,今次揀了一間想去好耐的黃店,因知冇得book位同都幾受歡迎,趁假期早起身去下,星期六的1:30去到,要等位但知好快有位(因暫時得我地排,但其後就多點人排了),趁等位時影下門面前,個職員好正呀(找亮點wwwww)。

2020年11月29日 星期日

貓.美術館 CAT ART世界名畫展香港站 @北角匯

 

1月難得友人GOGO放假又就到時間出來玩,更係安排下節目,心知友人同我一樣都like貓,一於去轉北角匯睇貓展。

倫哥尊尚火鍋私房菜

11月同事farewell,比主角佢發板食咩,同事提議去倫哥雞煲打邊爐放題,奧義之處係無限時任食,冇乜印像係邊間,上網見簡介餐廳由藝人杜大偉開設,主打雞煲及火鍋等,訂了5位7:00,thank同事訂位。

2020年11月23日 星期一

URBAN Cafe

上次去食吃吧臨走時見到隔離有間貓cafe,有貓已勁想去,仲要係黃店即想試下,book左2位7:30。

2020年11月22日 星期日

10月的半日營-綠活城鄉

10月尾時,田會長提議4人一齊去camping,2日一夜,好想去呀!可惜隻手傷左唔太方便去><,但又想去玩下,於是我同Aeris去半日營,田會長同king去2日營,4人又可一齊玩了~!
營地是綠活城鄉.共享農場,位於錦上路西鐵站旁,過條馬路就到,果然真係好方便。

2020年11月17日 星期二

嘉兵衛


同友人入元朗,夜晚即慶食飯,太耐冇去元朗市中心一帶,人生路不熟,但唔緊要,食飯知道邊到有黃店就得了,搵到一間舊同事推介的嘉兵衛,主打日式家庭料理,由一對日籍夫婦開設,想試好耐的店,博一舖即時打去book8:30,2位,幸好有位,去到時間剛好呢,幾驚因搵路而遲到。

2020年10月29日 星期四

吃吧


假期前夕,約了友人到旺角食飯,友人揀了吃吧,黃店,食物十分吸引,一於試下,感謝友人訂位。

2020年10月25日 星期日

齊柏林熱狗店

 
最近留意到齊柏林熱狗開左唔少分店,仲要係黃店,灣仔都有間,一於lunch食佢。

2020年10月6日 星期二

中秋party

今年中秋因疫症下冇乜氣氛,30/9中秋前夕,同事們一齊外賣了大pizza、斬料及小食等係公司開中秋party。

米師傅石磨腸粉

Lunch時段,諗梗食咩好,見到同事外賣石磨腸粉,賣相幾吸引,同事力推,加上黃店,即想試下了。

添飲咖啡館

久違了的3人聚會,友人想去鶴藪一轉,一於3人郊遊遊散下心,去粉嶺,順便係果頭食埋午餐,上網睇下有咩食,見到呢間文青cafe,前身為粉嶺裁判法院,後活化為香港青年協會領袖學院,而cafe是位於前裁判法院旁的白色建築物。

2020年9月30日 星期三

四喜麵包西餅

一直都好想試下四喜月餅,玩味月餅,特別是花生醬味十分吸引,但每次都係留意得遲錯過了預訂時間,而地點對我來講又太唔就腳,去到又驚冇現貨,只好留意Facebook動向,見到30/9會有現貨賣,即想衝去買~但要返工,放工去到又怕售罄.....正當徬徨之際,光芒出現了!駐荔枝角的閨蜜知我好想食,竟然幫我買左(仲要係工作中偷偷地出左去買)~實在太感謝了!約收工後去荔枝角拎月餅順便一齊食飯。

2020年9月27日 星期日

華爾登麵包餅店

今日早點起身,返工前去轉華爾登,記得以前係西環返工,早餐多數都係幫襯佢,但果時係舊店,自轉工後都未踏足過佢新店,今次為買月餅,一早出發。

2020年9月13日 星期日

拾味山西刀削麵館

又到Lunch既時間,公司是自由食飯時間,多數揀下午茶時段食平點,諗梗食咩好,上網見到山西刀削麵館,黃店,一於試下。

2020年9月11日 星期五

生隆餅家

約了田會長到深水埗一轉,目的就係買月餅,去了黃店生隆餅家,老字號餅店,格局前舖頭後有工場,新鮮出爐的保証。

2020年9月8日 星期二

富記麵家

疫症之下多數買外賣,緩和左之後有時都會出下去食,抖下氣,某日的Lunch,公司是彈性食飯時間,唔洗同人迫之餘又可揀下午茶食平點,到了富記一轉,有下午茶餐,講起來真係好耐冇堂食了,記得未疫症之前,可以係話飯堂之一,成班同事一齊食吹下水,而呢個畫面,都只能回憶了,不景氣之下好多同事都唔做同放no pay leave......有緣再聚。

2020年9月7日 星期一

唐記包點-Sanrio My Melody包點系列

最近見唐記有新攪作,推出Sanrio My Melody包點系列!竟然!太可愛了!
放工想買果時已經售罄,返到家時見到有,原來弟買了~thank~~~^o^~~~~!

2020年9月5日 星期六

車麵館

Lunch買外賣,公司是自由時間食飯,平平地食下午茶,未知食咩好,經過車麵館,講起來好耐冇食過車仔麵,黃店,必支持下。

やき肉 Yakiniku

久違了的出去食,同田會長去一轉深水埗買月餅,順便約埋食飯,見最近網上介紹一人無煙燒肉,有點似三拍子,原來都係由日本通陳方藤所開,價錢親民,都幾吸引,但預左要排長龍,去博下(如見太多人排就即閃),去到已見人龍,不過唔算太多人,邊排邊傾下轉唔轉場已到我地入去了,應該排左40分鐘以上到。

2020年9月3日 星期四

CURATOR BY LEX ART CAFÉ

久違了的Afternoon tea,本來呢個Tea係7月頭時訂打算7月中食,點知疫症大爆發,於是押後到8月尾先去,見數字回落左,就去一轉,大家Relax下。

餐廳係 K11 Musea,餐廳的門面有個小王子紙版,好搶眼呢。