澳門大利來記豬扒包 (氹仔舊城區)

 
!假日過大海，Lunch後周圍行下，因為lunch食得唔多，又想食豬扒包，經過大利來記，記得好耐以前幫襯過，果陣格局係大排檔，應該都有十年了......見條隊好似有啲機會入去即試下，好多人，但好快有位。

餐廳似乎有二樓，見有客人上去。

內堂有好大隻豬仔及有售紀念壓幣。

餐牌，來得呢到梗係試下豬扒包，呢到的豬扒包都幾多款，叫左幾款野食share。

凍奶茶，$19，友人的。

熱咖啡，$17，正常水準。

有手套，食得方便。

豬扒菠蘿包，$40，菠蘿包味道香甜鬆軟，豬扒香口，但有骨之下好難切開食，鹹鹹甜甜味道不俗。

豬扒牛角包，$48，賣相幾吸引，牛角包口感酥脆，豬扒都幾大件，味道香口。

咖喱鮮魷魚，$35，鮮魷魚幾爽口，冇乜鮮味，但有惹味的咖喱汁之下食都OK。

牛筋腩，$70，肉質鬆化好入味，牛筋彈牙，正常水準。

木糠蛋糕，$28，味道普通。

食物味道幾好，豬扒包多款式。

氹仔舊城區告利雅施利華街35號地舖

經過見到了Jeremy澳門應援巴士。