味之素: 9月 2022

2022年9月24日星期六

有一定歷史的店，出名係彩色砵仔糕，成日都好想試但又冇去買到，原來大大話話已經講左十年了wwwww，今次假日順便行過去買來試下先。

係粉嶺LUNCH後，據聞上水有間小店有得買奶油筒，今時今日好難再搵到呢類懷舊童年回憶(加上快樂餅店結業)，更係去博一鋪!上Openrice個名寫成發，但去到見個名寫車厘子....但入到去又真係有得買呀~即買一個來食。

假日行行下又行到去灣仔，途經奇華茶室，成日經過但未幫襯過及只想起冥冥之中的取景，咁啱係下午茶時段又攰攰地，一於去坐下嘆個TEA，茶室位於一座歷史建築物內，三幢相連陽台長廊式唐樓，為三級歷史建築物，懷舊之感。

假日約了友人到了一間新開的cafe，位置有印象，兩年前去過上一間（果時食完再去鶴藪），而加新開一間又另一番景象，因為估到多數都多人book位好點。

介紹返～前身為粉嶺裁判法院，後活化為香港青年協會領袖學院，而cafe是位於前裁判法院旁的白色建築物，假日的下午，果然好多人幫襯。

又到中秋，今次順利買到生隆月餅，記得上年放工去到已經比人買晒(太受歡迎了)，今年專登假日去買，今次係去新店位置，都好易搵，去到已經好多人幫襯～因為臨近中秋時段全店只賣月餅冇乜其他小食，下次先再戰缽仔糕～買左兩個月餅應下節。

自從疫症之後冇飛過...好想飛好想去旅行呀~!想起大角咀有間以飛機為主題的餐廳，甚有特色，一解冇得飛之苦，因為想坐機艙座位，最好都係Book定位同問下先，Book機艙位人均消費$200，都OK，Thanks Yan Book位呀>3<~!
餐廳門面外牆裝修得似飛機一樣，咁搶眼容易搵。