11月同事farewell，比主角佢發板食咩，同事提議去倫哥雞煲打邊爐放題，奧義之處係無限時任食，冇乜印像係邊間，上網見簡介餐廳由藝人杜大偉開設，主打雞煲及火鍋等，訂了5位7:00，thank同事訂位。
餐廳面積頗大，座位都幾鬆動，如卡位會更舒服。
自助的醬料、飲品及食物，飲品都幾多選擇，酒就另計錢，食物就唔算太多，丸、腸、餐肉、水餃及豆腐等常見的打邊爐食物，肥牛都係任食但唔係自助，確保衛生。
我地係呢個餐，嚐鮮十二式，$288/位。
倫哥醒胃二重奏，醒胃小食。
阿嫲雞煲，好耐冇食雞煲，好多芫荽及配料，侍應教每2分鐘炒一次免黐底再煲下，合共4次就可食，雞肉份量頗多，入口好惹味肉質都幾滑。
鮑你上位，鮑魚爽口彈牙。
食到咁上下轉湯打邊爐，自選湯底，花膠老雞金湯，湯底味道濃厚，有雞的鮮甜味，仲有少少的花膠粒，都幾得。
環游海鮮盤，賣相幾吸引，同幾多款色，蠔飽滿，其他唔算好肥美正常水準。
仲有響鈴、魚皮、水餃等。
牛頸脊，有咬口肉味濃。
手打墨魚滑及鮮蝦滑。
肥牛，正常味道。
甜品係椰汁燕窩，味道以椰汁西米露，打邊爐後再食甜品幾滿足。
雞煲、同個湯底都幾得，其他食物正常水準。
大家熱鬧食一餐。
佐敦佐敦道26號E 2樓
沒有留言:
張貼留言