富記麵家

疫症之下多數買外賣，緩和左之後有時都會出下去食，抖下氣，某日的Lunch，公司是彈性食飯時間，唔洗同人迫之餘又可揀下午茶食平點，到了富記一轉，有下午茶餐，講起來真係好耐冇堂食了，記得未疫症之前，可以係話飯堂之一，成班同事一齊食吹下水，而呢個畫面，都只能回憶了，不景氣之下好多同事都唔做同放no pay leave......有緣再聚。

諗食咩，前排外賣多數食牛筋，有點掛住主打的墨丸。

黑白墨丸河粉，＄37，自家製的墨丸，口感彈牙有鮮味，食到有少許墨丸粒，真材實料，鍾意呢到的河粉夠爽滑，湯底味道都不俗。

熱檸茶。

抵食又有水準。

黑白是良知，支持小店。

灣仔灣仔道177-179號保和大廈地下6號舖