華爾登麵包餅店

今日早點起身，返工前去轉華爾登，記得以前係西環返工，早餐多數都係幫襯佢，但果時係舊店，自轉工後都未踏足過佢新店，今次為買月餅，一早出發。

早上去到，麵包及散賣的月餅得返好少，兩個裝月餅售罄，實在太受歡迎了！買了散裝。

個袋都好得意。

紙包蛋糕，$5，買返公司做早餐，奧義之處係印有香港(雖然呢個印得唔太明顯)，真係好耐冇食紙包蛋糕，好有兒時回憶，口感鬆軟甜甜的味道。

買了兩個月餅。

單黃白蓮蓉月餅，$45。

個子比較迷你的月餅，面層有點裂開，印有香港個月餅，好有氣勢的賣相，白蓮蓉及蛋黃的質感都太乾，蓮蓉有點偏甜，比較一般。

屌貓綠茶豆沙月餅，$40。

迷你月餅，隻貓必係賣點，加上綠茶豆沙個口味更吸引，個皮綠茶味都幾濃，甘苦味道，豆沙餡甜度適中，都幾好，但蛋黃較乾。

賣相幾好，味道正常，支持小店。

西環西營盤第二街120-126號仁福大廈地舖