Happy Friday，同田會長及king到了葵廣行街順便食飯，上網見到呢間砂鍋花膠雞湯翅(有點似某店)，滋補養生幾吸引，一於試下。
大約19:15去到，好快有位，小小的店子，一目了然的格局，堂食最低消費每人$60。
主打砂鍋雞，食物選擇多，多款小食，仲要有幾款甜品。
滷水大腸，$34，口感腍滑軟身，味道唔夠濃郁。
砂鍋花膠雞湯翅配淮山麵，$78。
招牌貨一於試下，熱騰騰上，如果係冬天食一定會好溫暖~雞的份量唔算好多，4-5件到，唔太多肉食，雞肉唔鞋唔滑，水準普通，雞湯味道濃郁，呢個幾欣賞，淮山麵滑溜爽口，食落唔太滯，翅份量好少，少到唔多覺有.......花膠都幾多，但質素不一，部份似鱈魚膠，感覺膠質少，口感爽，部份似魚肚口感軟腍，不過花膠種類繁多，而呢個價亦唔會要求太多，過下口癮。
砂鍋"花膠魚翅餃"雞，$72，king。
砂鍋桃膠雪梨椰子雞麵，$69，會長的。
豆漿，跟餐+$8。
食物味道普通，中位價格，食到好飽，$78食到花膠、砂鍋雞湯，呢個價冇投訴，服務態度正常。
葵芳葵富路7-11號葵涌廣場3樓302A號舖
沒有留言:
張貼留言