金子半之助 (新都會廣場) (葵芳)

Happy friday，同田會長去了日本過江龍人氣天丼店-金子半之助，呢間大家都想試好耐，機緣巧合之下可一試了www。
晚餐時段果然好多人，7點幾去到已有人排隊～大約排左15分鐘入座。

餐廳以木系係為主調，感覺和風，暖色燈光感覺柔和。

有用餐教學。

主打天婦羅丼飯，選擇並不多都好合理，除左飯亦有烏冬揀。

上天丼，$118，天婦羅，即叫即製熱騰騰，炸物呈深褐色，有白身魚、海老、小柱魷魚天婦羅餅、溫泉蛋、海苔及莢豌豆，附上味噌湯及漬物，份量十足。

賣相睇落都幾油下，脆口同時又好油，唔夠乾爽，白身魚比較有魚味，其他的味道普通，用淺碗非常好，米飯量唔會太多，份量適中，醬汁甜，都幾多汁同濃味，我果碗太多汁，會長果碗就太少汁，太有相差了⋯食到差唔多一半再撈溫泉蛋食，口感更豐富。

漬物⋯呢一刻覺得漬物好需要，因為酸酸去油膩.......。

江戶前天丼，$138 ，田會長的，最有份量的天丼，30cm長的穴子(星鰻)，賣相夠晒霸氣。

黑豆茶幫助解油膩，狂飲左。

價格合理，但實在係太油同膩，可能每間分店唔同。

葵芳興芳路223號新都會廣場1樓107-108號舖