文華饕記 (灣仔)

 

下午茶時間又到，出去食抖下氣，諗返好耐冇去文華饕記，記得呢到嘅下午茶好平，加上黄店，必支持下，2:30下午茶時段，都幾多人幫襯。

餐廳有兩層，茶記來講環境頗大，特別係卡位十分寬敞，牆上有不少文宣及玩具擺設，多數都係坐下層。

上層。

估疫症之下上層好少開放，不過有上去參觀一下，恍如玩具展一樣，何其壯觀。

炸雞髀拼沙律薯角，$30。

炸雞髀熱騰騰，唔算好大隻，皮脆香口，正常水準，薯角同沙律竟然可以並存！實在太好喇～(好多店都係薯角、薯條和沙律是但揀一樣)，雖然薯角少量但都滿足，雜果沙律清新。

熱檸茶。

食物正常水準，下午茶抵食，平平地嘆個tea睇下電視抖下氣都幾好，支持小店。

灣仔克街1-5號展鴻大廈地下D-E號舖