Hero's Friday (中環)

漢堡就食得多，班堡就真係未試過，係IG見到有個Pancake漢堡，全港首創﹐新奇又吸引(同時又好挑機)，價格又唔貴，仲要係中環，黃店，放工一於約埋Yan去試下。

30/3至13/4做緊2周年活動， 只要Like Facebook 同 Instagram, 並出示Cap圖員工睇就可選擇免費升級。

以Hero為主題的漢堡包店，巨型美式漫畫牆身好搶眼，店子有2層，下層主要係點餐及外賣﹐有少少座位，上層就堂食位置，不修飾的水泥牆身，白色枱椅，感覺型格。

差唔多7:00去到唔太多人，之後就越嚟越多人了。

Panger班堡，套餐$46-48不等，有4款選擇，而飲品除左汽水之外，仲有咖啡、朱古力、檸檬茶等選擇(凍飲＋$2)。

英雄漢堡，純牛肉手工漢堡，都好吸引，下次有機要試。

先付款後取餐，以外賣形式(包好入晒落紙袋)，自行拎上樓食，好方便。

豬柳蛋班堡套餐，＄48，Pancake好厚身，食落口感鬆軟同好有牛油香，芝士份量十足，炒蛋夠滑，豬柳都不俗，鹹鹹甜甜的味道，估唔到係夾到，幾好味。

甜蕃薯，跟餐＋＄10(最近優惠活動like IG or FB可免費升級)，熱騰騰又脆口，天然的甜味，好味。

薯條，粗身薯條，不過硬左點唔夠脆口。

英雄炸雞，原價$48，做緊優惠$38，熱騰騰的炸雞，炸雞比較薄身，入口脆啖啖肉，味道正常水準，可揀兩款醬料，hero’s醬，似乎係黃芥末醬，另外的是辣雞醬。

凍咖啡，跟餐+$2，爽！

食物好味，以中環來講真係好抵食，坐得幾舒服，服務態度幾好。

中環威靈頓街71號地舖

同場加映，周圍行...去到摩天輪。