Cafe Prince Royal

星期五的4人之聚，又係雨神同行，落大雨-0-！4人一飯聚就會招風雨（真的犯罪了ですか？飯聚先來下雨？！）以飯聚心理學來講係呢個moment應該龜縮係商場內的餐廳，但今次決定唔拗，照到想去的cafe食飯，太子站落行左陣即到了cafe，入到去竟冇乜人，可能因為天雨路滑一字馬，少左人出去食飯。

餐廳的裝潢以木系為主，天花板上的木屋頂架，配合柔和燈光，猶如置身在溫室中，感覺舒適，白牆上掛有油畫及照片，木架上擺放一些小盆栽，鬧市中的小清新。

有自助斟水。

餐牌，來嘆啡就梗，食物上有沙律、意粉、飯、三文治、小食及全日早餐等，揀了意粉。

好可愛的茶具。

焦糖海鹽鮮奶咖啡，跟餐加$25，好有藝術感的拉花，雖然藝術嘅嘢我識條鐵，但都覺得好靚，咖啡入口綿滑，味道香濃，海鹽的鹹，焦糖的甜，鹹甜味交集有層次，味道不俗。

田會長的咖啡，全白色的奶泡，好想係上面畫野呀。

友人的咖啡。

友人的檸檬柚子茶。

煙肉碎牛油果蜜桃粟米沙律，$74，大家開心share，沙律菜新鮮，牛油果必食，蜜桃香甜，配上煙肉碎及粟米更有咬口，味道清新又美味。

黑松露野菌意粉，$85，入口有黑松露的香氣，意粉軟硬適中，口感creamy，野菌較少，味道正常水準，仲有片多士，好飽肚呢。

西西里意粉，$82，田會長的。

經典大早餐，$98，友人的，有一刻想點呢這個。

希臘雞胸沙律，$88，友人的。

環境坐得舒服，食物味道不俗，服務態度有禮貌，下次有機再戰，thank友人的手信。

太子花園街232-242號禮賢大廈地下F舖