野玩田店

記得數年前曾幫襯灣仔的野玩山店，因幾有特色之下印象深刻，今次友人發現到一間叫野玩田店，同是野生玩系列，好奇咩料，放工相約友人去探索下，thank友人book位～餐廳位於K11，十分方便，但餐廳有點隱蔽，係K11 Natural裡面。

餐廳內堂面積頗大，留底高空間寬敞，以木系係主，簡約柔和，周圍擺放了不少盆栽，有大自然之感。

Menu，長知識了。

食物上都尚算多素食。

Drink menu，幾有特色。

Dessert menu。

入坐後，已即奉上餐包，麵包口感鬆軟。

紫薯鮮奶，$58，友人的，紫色好靚呀。

SUPER KALE，＄68，沙冰來的，材料有羽衣甘藍、檸檬汁及蜜糖，羽衣甘藍，近件大熱的健康食品之一，因保留原始營養，多是用作沙律或青汁，不過製作成沙冰真係第一次見，賣相美觀，入口冰涼，菜味濃，有少許甘味，十分清新之感。

黑松露片炒農場雞蛋酥盒，＄98。

素食來的，似乎幾受歡迎，賣相精美的酥盒，入口酥脆，炒蛋口感嫩滑，蛋香味濃，有微微的黑松露香氣。

炸蟹餅配芒果乳酪，＄128，炸蟹餅入口香脆，內餡有一絲絲的蟹肉，少許鮮味，配上芒果乳酪多了一份清新。

日本頂級帶子海膽汁意大利飯，$208，豪食一次，有帶子及海膽汁，感覺名貴，帶子軟嫩，有鮮香味，海膽汁意大利飯，滿滿的海膽汁，味道濃郁，鮮甜味十足，意大利飯軟硬度適中，口感creamy，幾好味呀。

店子有特色﹐走入大自然﹐食物有水準，價格略貴，服務態度不俗，下次有機再食呢。

尖沙咀河內道18號K11購物藝術館2樓201號舖