九份•十分

假日去上水醫肚，見到呢間九份·十分，個名都好明顯，係台式店子，上網先知原來都有幾間分店，睇下個餐牌，都幾吸引，加上最近比較想食台灣野，一於試下。

店子面積頗大，有點似火車的主題，食飯時段，要等一陣先有位。

多款調味料。

餐牌，即想食牛肉麵，小食及甜品都好吸引。

紅燒牛肉粗麵，$62，份量適中，湯底尚算濃郁，牛肉口感鬆化，但有牛味唔夠，麵條唔夠彈牙，水準普通。

台式綜合滷味拼盆，$68，有豆腐、雞翼、雞腎、豬大腸及滷蛋等，都幾入味。

珍寶三色冰粉，$58，有紅豆、雪燕、珍珠、桃膠、芋圓(必食)、椰果、愛玉、花美男(仙草)及冰美人(冰粉)、材料十足(咩都齊有種攞你命三千嘅FEEL)，有芋圓美味，不過唔知味太多料之下，食落一般，但唔算好甜，當每樣都試下。

台式冰琪淋鬆餅，$62，鬆餅口感鬆軟，配上草莓及雪糕，酸酸甜甜不太滯。

食物味道普通。

上水彩園路8號彩園廣場3樓26號舖