澳門一日遊2019

今次去澳門一轉，主要係去Hello kitty展(大愛），講起來好耐冇去澳門，主要船飛太貴(以前有團購好平)，Package又唔抵(個價不如去旅行=.=)，來個即日來回，今次搭車去，用港珠澳大橋，第一次搭，好奇咩料呀。

欣澳（巴士B5）-> 香港口岸，$5.8，車程約32分鐘。

到了香港口岸，自助售票機，可用八達通買，都幾方便。

香港口岸（金巴）-> 澳門口岸，$65，車程約40分鐘。

日與夜票價不同(網上圖片)。

友人在鴨記買定電話卡，每張$38，可用2日，搭車時順便換。

到了澳門過關後，都有得買電話卡，但$100到。

到達澳門口岸，我地要去新馬路果頭，搭101X出市區（以前係港澳碼頭落會有好多發財車free出去，而呢到就唔多覺有，懶得搵之下直接巴士)。

 澳門口岸 －> (101X) 新馬路、大三巴 ，＄6，約25分鐘。

可能因為下雨車程慢了，個巴士司機好攪笑，提大家下雨要小心，天雨路滑一字馬。

到了熱鬧得新馬路，仍是落雨。

去食午餐先，同事推介一間有特色的餐廳，穿過大三巴，再到較寧靜的街，會去到仁慈堂婆仔屋。

欣澳B5巴士$5.8(35 mins)+金巴$65(40mins)=$70.8(75mins)，未計過關但算快。

個價平點，用既時間長點同要轉，出市區耐少許，似乎早出走預下時間較好，平岩我呢個窮遊人。