星期二約了友人睇戲，今次係睇Annabelle，因為唔敢去老地方改左去iSQUARE睇，散場時間尚早順便食埋晚飯，近近地揀左去食鰻魚飯，名代宇奈呢個名，初步相信大家都唔會陌生，連鎖鰻魚飯店，係東京都會見過或食過，但果時冇去幫襯(食左另一間），不久之後就來港了﹐堪稱「吉野家版鰻魚飯專門店」，顧名思義即係抵食系列，不來得香港﹐都預左貴好多。
位置係iSQUARE內好方便，平日9點多時段冇乜人，格局真係有吉野家影子，裝潢以紅黑為主，藍白牆身上有鰻魚彩繪，帶點日風。
Menu，食個最平＄68。
鰻魚丼，$68，份量適中，鰻魚不算厚身，入口都幾多骨，當中有少許係硬骨，炭香味不足，水準普通，醬汁味道甘甜。
唔太抵食當試下。
尖沙咀彌敦道63號iSQUARE國際廣場樓304號舖
沒有留言:
張貼留言