麥記18件麥樂雞配全新4款滋味醬

老麥新出4款滋味醬，18件麥樂雞搶先試晒4款，以過往嘅戰績，應該唔會差得去邊，點知今次就中晒伏.......

18件麥樂雞附送之四款滋味醬：鹹蛋黃醬、南乳燒雞味醬、香草檸檬醬及蜜糖芥末醬。

鹹蛋黃醬-好明顯係鹹蛋熱潮衍伸出來的滋味醬，正路都諗鹹蛋味頂多都係濃淡度相差，唔會差成點，點知呢個醬⋯個色黃得有點怪，食落鹹蛋味欠奉，食多幾淡先食到微量又好假嘅鹹蛋味，感覺好似唔少化學成份⋯唔好食。

南乳燒雞味醬-個淺色及質感都似曾相識⋯⋯似廣告彩⋯⋯好膠，味道又點呢，一點都唔覺有南乳味道，雖然係寫南乳燒雞⋯⋯個味怪怪地，唔好食。

香草檸檬醬-食落有微微的檸檬味，比較清新。

蜜糖芥末醬-呢個味好有信心，果然係好正常，蜜糖的香甜同芥末味道平均，最好係呢個了。

過往戰績沒差，今次真係-0-。