La Kaffa

得知北角有一間以懷舊火車站為主題的cafe ，向來喜歡懷舊的我梗係要去一轉，相約了食之戰友一起去食晚飯。

裝潢是歐陸式的設計，牆上有不同城市時間的掛鐘，陳列了舊式蒸汽火車模型，木架上的懷舊擺飾，車輪造型的吊燈，甚有復古味道。

餐牌封面是用地圖及郵印，迎合餐廳主題。

精選二人晚餐，$288。

是日餐湯

小食一款

主菜兩款

甜品

餐飲

(將餐飲升級至其他飲品，可從該飲品原價折扣10元)

十勝紅豆奶茶，跟餐加$16，好奇似下點了，奶茶配上紅豆，味道香甜。

紅豆宇治抹茶，跟餐加$18，友人的，心形拉花好靚呀。

煙肉薯仔湯，比較稠身的濃湯，有點似薯蓉的口感，薯味濃郁，幾好味呀。

餐包的是牛角包，太吸引了，口感鬆軟，香牛油味。

蕃茄手工肉丸。

，鬆化的肉丸，配上濃郁的芝士蕃茄醬，味道香口惹味，底層是薯蓉，口感軟滑，好食呀。

墨西哥辣烤雞比薩。

薄身的餅底，口感香脆，而且餡料十足，有好多雞肉及青辣椒，味道香辣又惹味。

焗意式香草芝士海鮮飯， 海鮮有蝦蜆等，份量多，芝士味濃郁，幾好味，不過飯粒比較欠缺咬口。

Tiramisu cup ，上層是厚身的cream，下層是Tiramisu，口感軟綿，味道有酒香氣，幾好味呀。

時令鮮果奶凍，是芒果奶凍，有好香的芒果味，口感十分軟滑，感覺有點似慕絲呀。

有特色的店子，喜歡懷舊的感覺，食物有水準，價格合理，又多左個晚餐之選呀。

北角明園西街2-6號明苑中心地下