金滿象正宗泰國菜

又是happy friday日子，3人約左係旺角行街食飯，因為冇book位，周圍都好full，經過呢間泰國餐廳，剛好有位，於是就試下了。

裝潢以木系為主，牆上掛有圖畫及大象擺設，暖色的燈光，有relax之感，但坐位有點擠迫。

餐牌。

香茅冰，$36，見咁特別就試下，是檸檬草、薑及香茅而成，味道冰涼清新，有種似曾相識的感覺，就是上年泰國旅行時常飲的Welcome drink。

泰式凍奶茶(視帝奶茶)，$30，友人叫的，個名太搶眼了，試左點，又是熟悉的味道，偏甜的泰式奶茶，記得同某牌子的泰式奶茶沖劑味道好似呀。

椰青，$39，友人的。

泰式海鮮冬蔭功湯(大)，$139，食泰國菜，冬蔭功必出場，賣相好火辣，但其實不是，味道偏椰香味，甜甜酸酸，微辣，有3隻大蝦及大量草菇，好足料呀。

泰式串燒沙爹(半打)，$79，要了豬同雞，串燒好惹味，配上甜甜地的沙嗲醬更好味呀。

黃咖喱牛腩，$79，黃咖喱微辣，椰香味濃郁，甜甜地，不俗，牛腩份量適中，口感鬆化，幾好味呀。

原隻椰青海鮮焗飯，$99，有蝦、魷魚及青口等，十分足料，焗飯充滿椰青的清香味，份量多，味道不俗呀。

食物味道幾好，不過唔夠辣，環境比較擠迫，服務態度不俗。

太子花園街224B號地下B舖