山脈流川

繼上次小時光之後，都好耐冇踏足觀塘的工廈搵食了，趁今次的三人聚會，發辦到山脈流川食lunch，一間充滿懷舊風貌的文青cafe。

店子面積不大，但樓底高，感覺空曠，裝潢簡約，不修飾的灰牆身及木枱椅，昏暗的環境使用了暖色燈光，製造了柔和之感。

餐具及倒水都是自助方式，用餐後記得自行收拾餐具。

開放式的廚房，前面有一個搶眼的小食部，像校園合作社一樣呢，點餐也是這裡呢。

好吸引的零食。

除了零食，還有少量的衣服、布袋等擺賣，像市集一樣。

似乎扭彈彈波受歡迎，賣晒了。

餐牌。

薄荷朱古力，$48，味道似維記朱古力奶，不是加冰溝淡左冇咁濃，少少薄荷味，感覺清新。

全日早餐，$118，有3.6牛乳炒蛋、牛仔腸、紐約堡腸、煙肉、焗豆、蘑菇、煙三文魚、薯塊、沙律及沙式牛角酥，份量十足，炒蛋唔算好香滑，味道普通，薯塊不俗，整體正常水準。

香煎帶子墨汁意粉，$88，帶子只有一粒，太少了，墨汁意粉，幼身的意粉，墨魚汁味道濃郁，都不俗，但太易凍了。

環境有特色，食物正常水準，做了一日偽文青。

觀塘成業街18號新怡生工業大廈3樓F室