4人放工後一齊去行街,係新世紀到行,順便食埋DINNER,見呢間店裝潢幾特別,食物幾吸引,於是試下了,等了10分鐘到便有位了。
白色的單車擺設,好搶眼呀。
開放式的餐廳,以黑白啡色為主,感覺型格,波浪形的卡位好特別呀。
我地4人坐卡位,太好了。
MENU真係要必影,攪鬼的名字。
凍桃茶, 香桃味,不太甜。
龍蝦湯,都幾有份量,味道濃郁又足料,不俗呀。
法國鵝肝牛肉漢堡．薯條,$158。
麵包微熱外層少少脆,厚身的牛肉,肉質鬆化牛肉味濃,配上醬汁更惹味,鵝肝肥厚,外層香脆,口感油潤,幾好味呀,真係太豐富了,粗薯條熱騰騰好味,而且份量好多,食唔晒呢。
URBAN3小時慢烤法國肥雞(1/2)．沙律菜．薯條,$168,友人的,好吸引烤雞,本身都有諗過點呢個,半隻烤雞,份量也不少,雞肉口感幾滑,香口惹味,不俗呀。
一山不能藏二虎蝦意粉．香辣車厘茄醬,$148,友人的,冇試到,據聞幾辣呀。
Bloody berry,+$38有甜品,見到支針筒物體,貪得意試下,好像是果醬來的,有點似藥水味,海綿蛋糕清清地,唔太多cream,味道普通呀。
Newyork cheesecake,友人的,正常水準。
熟食都幾好味,份量真係好多,分分鐘可2人share一碟,甜品就一般,因為卡位坐得幾舒服.服務態度不俗,好有禮貌呢。
旺角太子道西193號新世紀廣場1樓121及181號舖
沒有留言:
張貼留言