La Postre

同Yan high tea後,係上環周圍行下,又到晚飯時間了,順便係上環食飯,係昌盛大廈都幾多野食,見到呢間的西班牙菜幾吸引,於是便試下了。

7點幾時段的下雨天,冇乜人呀,好搶眼的貓相。

裝潢以淺藍及啡木色為主,牆上貼有不少復古鐵皮畫,掛有鐵藝的吊燈,感覺型格。

暖色調的燈光感覺好warm。

枱上也有小擺設。

即睇有咩食。

仲夏水果茶,$42,有好香果味,幾好甜呀。

藍莓蜜桃茶,$39,香桃味,比較清新,不太甜呀。

黑松露薯條,$98,熱騰騰的粗薯條,好味呀,配上香口的黑松露醬更滋味。

西班牙海鮮飯,$268,份量不少呢,好足料的海鮮,有青口、蝦、蜆、燈籠椒、魷魚及腸等,十分豐富,味道不俗,海鮮飯味道有少少酸辣,比較鮮味,有點點苦,有層次的味道,幾有特色呀。

什果麻糬窩夫,$98,好吸引的心心甜品。

微熱的窩夫,口感外脆內軟,窩夫內饀有麻糬,入口更煙韌豐富,配上香甜的cream及雜果,好味呀。

感覺有少少似E字餐廳的影子,味道差不多水準,環境舒適,下次可再去呀。

上環永樂街50號昌盛大廈3樓