Passion by Gerard Dubois

1月份,同Yin食生日飯,thx>3<,去了朗豪坊的Passion by Gerard Dubois,平日時段都好多人呢,不過好快就有位了。

裝潢是歐陸風的設計,以木系為主,擺放了不少擺飾,暖色的燈光,甚有家的感覺,不過坐位比較擠迫,冇乜個人空間。

快餐店形式落單,櫥窗陳列了不少食物,蛋糕好吸引呀。

歡迎試食。

熟食落單後,等取食物。

自選細沙律3款,$43,有烤薯仔青豆、雞肉意粉及咖哩雞意粉,薯仔香甜好味,雞肉軟腍,沙律醬酸甜清新,必食的沙律呀。

燒烤豬仔脾,$112。

有兩塊法式麵包伴食,麵包煙韌好味,蕃茄醬汁味道不算太濃,味道普通。

豬仔脾滑,但不夠入味。

大磨菇香茜汁扁意粉,$88,好足料的磨菇粒,香茜汁份量多,味道香口好味,不過扁意粉硬了點呀。

來得呢到當然要試甜品。

熱情果栗子撻 & 朱古力開心果餅。

朱古力開心果餅,$41。

賣相十分精緻,朱古力球上有少許金箔作點綴,感覺名貴,黑朱古力味道濃郁,入面的開心果慕絲香滑,底層的朱古力甘脆好味,好食呀。

熱情果栗子撻,$42。

 栗子蓉味道濃郁清甜,口感軟滑,入面是慕絲及熱情果醬餡,清新又好味呀。

甜品同沙律都好味,熟食一般,環境太迫了。

旺角亞皆老街8號朗豪坊4樓11號舖