2015年9月20日 星期日

日之食放題館-抗通脹大餐

見到張傳單是好平的放題,分時段同人數有不同優惠,即有興趣,上網一睇即見到好多劣評...但個價又真係好平,二百內任食2小時,又有刺身又有燒肉,於是博一舖呀。







平日的夜晚9:00,冇乜人,環境好大,裝潢是木系為主,帶點和式。


我地2人,坐卡位,坐位闊絡,坐得幾舒服,每個卡位都有獨立電視,好方便呀,唔洗遠看,又可自成一角。


水吧位,有汽水、綠茶,最窩心係有涼茶,可清熱氣呀。


自助沙律吧。


湯類。




即睇有咩食,有燒物、刺身、壽司、小食及沙律等。


點燒物的醬。


太肚餓,即來個刺身先,要了三文魚、甜蝦、吞拿魚及帶子。


帶子,都幾鮮味。


甜蝦幾好味,三文魚正常水準,吞拿魚雪得太冰了。


螺肉,味道普通。


芝士帆立貝壽司及鰻魚壽司,因為怕太飽,只要了兩款壽司,鰻魚壽司幾惹味,芝士帆立貝壽司味道不俗。


大蝦天婦羅及冬菇天婦羅,正常水準。


燒物:牛舌、牛肋條、肉眼粒、羊脾肉粒、豚頸肉及豚漢堡。


冬菇、粟米及雜菜餅。


急不及待燒烤了,雖然食過好多次日/韓燒,但經常都是燒到黐底,店員好好人呀,見我地燒到好論盡,教我地點燒同點擺放食物。


改良版,原來肉類最好擺上面個位,等油份可流落爐中間,中間最好擺較難熟的牛舌及雜菜餅等。講下燒物,牛舌,厚切的,口感鬆化。牛肋條,牛味濃郁,幾好味。肉眼粒,肉質較鮮,口感豐富。羊脾肉粒,不太羶味有口感。豚頸肉,香口惹味。


食左好多肉,係時候食點沙律中和下,要了菠蘿、水蜜桃、粟米及提子等,好清新呀。


食到尾聲,見唔到有甜品點,以為冇甜品食,正抱怨冇時即有甜品上,是香芋雪糕,好冰凍,有好香芋頭味,特別又好味呀。


每位計埋加一只係$190.5,好抵食呀,又有刺身又有燒肉,一次過滿足晒了,大部分的燒物都好味,刺身就普通左點,個人幾鐘意沙律吧,食左幾轉,環境舒適,有電視睇果下正,服務態度幾好,上菜快,會教下點燒烤,下次可再戰呀。


旺角彌敦道613號飛達商業中心3樓



4 則留言: