傷心酸辣粉

上年同愛辣之人KELLY食過銅鑼灣果間的傷心酸辣粉,因為唔識叫少辣,之後辣到飛起,辣到分唔出係味好食了...今次再戰呢個,點都要BB辣啦,睇下味道其實如何,THX KELLY請食飯呀XD。

平日的晚上,冇乜人。

因為我太唔識得辣,要了BB辣,二人餐,有三款小食+兩個粉麵+兩杯飲品,$118。

柑桔話梅雪碧,夠晒解渴。

酸辣土豆絲,口感好清脆,酸酸辣辣好開胃。

紅油脆耳,好脆口,少少香辣,幾好味呀。

蒜泥白肉。

本身好鍾意食,豬肉片好味,好濃蒜香味,不俗呀。

傷心酸辣粉,今次BB辣,終於食到呀,味道酸酸辣辣好醒胃,夠香辣,要了薯粉,口感好煙韌又入味,好食呀。

重慶炸醬涼麵,岩晒夏天食,份量好多,麵條爽口,小小麻辣,都不俗,不過炸醬唔太夠,多點會更加好呀。

酸酸辣辣香口又惹味,岩晒愛辣之人,如果唔食得辣可以叫BB辣或唔辣呀。

太子大南街52號地下