Rustico

又是每月一餐的時候,因為最近大家都好忙,冇乜時間睇食咩好,忽然想起呢間Rustco,是一家西班牙菜餐廳,曾經話過想去,但又遲遲未落實,趁呢次去試下啦,book左8:00,4位。

店面裝潢十分漂亮,有歐洲風情之感呀。

環境頗大,樓底高,歐陸式的設計,紅磚牆、木色枱椅及吊燈.帶點古典味氣息。

座位尚算闊絡,坐得舒適。

Cassis,$270,一壺,份量有4杯,紅酒加上生果,酒味不太濃烈,有生果之下味道fresh呢。

燒雞肉凱撒沙律伴帕馬森芝士,$75,賣相蠻有特色,用酥皮做的藍子盛載沙律,雞肉份量較少,但幾好味,沙律味道清新。

脆炸雞肉忌廉球,$48,外脆,內裡是豐富的忌廉,少許雞肉,幾好味呀。

脆炸伊比利亞火腿忌廉球,$55,外脆,內裡是火腿忌廉,比雞肉更加惹味,口感豐富呀。

香脆薯角拌西班牙特色Bravas辣醬,$48,本身鍾意食,好香口,配上少許微辣的醬汁更滋味。

炭燒iberian黑毛豬肋骨伴主廚juanjo秘製燒烤醬及烤菠蘿,$288,黑毛豬肋骨口感鬆化好惹味,不過唔係好多肉,烤菠蘿,好香菠蘿味,酸酸甜甜味道,好味呀。

秘製燒烤醬伴食更好味呀。

招牌西班牙海鮮飯,$165,好足料的海鮮,有大蝦、帶子、青口及蜆肉等,意大利飯口感比較較,鮮味濃郁,不俗呀。

整體味道不俗,環境舒適呀。

荔枝角長義街9號D2PLACE地下G01舖