Homemade Pizza

同Yin去葵涌廣場行街,見到呢間pizza店,之前上網睇到介紹,都幾吸引,即去睇下先。

見到就想食。

可以堂食呀。

見到有下午茶餐,PIZZA SET,$34,有檸檬水+配細薯粒,薄餅有三款口味揀:夏威夷、佬墨推介及經典等。

檸檬水,不太甜,感覺fresh。

佬墨推介薄餅,材料有免治牛肉、洋蔥、墨西哥辣椒、蕃茄碎、水牛芝士及秘製蕃茄醬,好足料呀,味道濃郁,少少辣,幾好味呀,細薯粒有少許蜜糖味,不俗呀。

夏威夷薄餅,材料有免治牛肉、火腿、菠蘿、洋蔥、水牛芝士及秘製蕃茄醬,有菠蘿及火腿,味道清新。

味道不俗的薄餅,而且幾抵食,聽聞漢堡包仲好味,下次要再戰呀。

葵芳葵富路7-11葵涌廣場2樓C06舖