Dionysus

 

約了Yan食Lunch，Yan推介大埔有一間法國餐廳，環境靚食物正，Lunch仲要好抵食，一於試下，平日請假大家去一轉，Thanks Yan book位，12:00，二人。

平日的12:00，唔多人，趁呢個moment狂影下個環境，餐廳有兩層，高級灰為主調，感覺有格調，牆上個掛畫、歐式復古擺設，增添藝術美感，我們坐樓上，第一眼即見到打卡位，粉紅色的古典餐桌椅、小火爐及小擺設等佈置，優雅華麗之感，仲有張傳聞中的VIP位。

LUNCH SET MENU，食物選擇尚算多，要了羊西冷及牛脷，盡顯食肉獸風範，開心些牙。

煙三文魚凱撒沙律，味道清新。

自家製慢煮牛脷配紅酒汁伴法式薯蓉，$118。

，牛脷份量十足，口感柔軟，味道濃厚，不俗，薯蓉軟滑。

烤紐西蘭特級羊西冷配煙肉焗薯蓉，$138。

份量十足，賣相吸引，肉質鲜嫩，難得冇乜膻味，都幾香口呢。

Cappuccino，跟餐升級+$20，正常水準。

芝士蛋糕，一口的份量，口感軟滑，芝士味濃，有甜品食好滿足。

食物味道不俗，環境幾靚有打卡位，坐得舒適，服務態度有禮貌，下次有機要再來呢。

大埔懷仁街43號泰和樓地舖