下午的銅記，周圍都好多人，想食個lunch都有點難度，搵個多野食的地方，又去返登龍街，呢條街有不少食肆﹐價格有貴有中等﹐經過一間泰國菜，見到呢間午市套餐食物好像不俗，價格又合理，一於試下。
小小的店子﹐裝潢簡約。
餐牌，午市特價套餐，統一價＄63，好多都幾吸引。
要了冬蔭功湯
(可配：河粉、米粉或金邊粉)
(任選兩款：豬頸肉、豬扒或雞扒)
青檸茶，餐飲，微甜不太酸，有輕微的清香，好解渴呢。
雞扒豬頸肉冬蔭功湯金邊粉，＄63。
木碗有自然之感﹐碗上的大象及椰子樹雕刻感覺精美。
冬蔭功湯底﹐味道濃郁鮮香﹐酸辣味平衡﹐微辣的﹐啱我呢類唔太食得辣嘅人士，金邊粉十分爽口，份量十足﹐雞扒及豬頸肉份量不少，味道香口，幾美味呀。
食物味道不俗，坐得幾舒服﹐服務態度親切，又多個食飯之選。
銅鑼灣登龍街36號登輝大廈地舖
沒有留言:
張貼留言