大和堂

難得友人放紅日，相約出來一聚，揀了一間有特色的咖啡店食野吹下水，到了真．懷舊－九龍城大和堂，前身為大和堂蔘茸行，坐擁86年歷史，現在以活化成咖啡店，咁有歷史價值，值得一去，踏入衙前塱道﹐都唔洗點搵已經知店子個方位﹐因已見人龍。

店子保留了大和堂牌匾、鐵閘、長椅及物品等，在等候時都不禁影下門面相，順便睇下Menu揀定食咩。

木手把都刻了大和堂，等了20分鐘多有位。

內堂樓底高，感覺寬敞﹐翻新後的百子櫃十分注目、牆身掛有字畫、昔日香港照片及中醫執照，木架上擺放了藥樽的盆栽，木系枱椅及吊扇，呈現舊藥行的風貌。

有露天的位子。

Menu，有英式早餐、班尼迪蛋、漢堡、多士、小食、意粉及甜品等。

海鹽焦糖咖啡，友人的。

大和堂鮮奶咖啡，＄48，既然係招牌貨一於試下，漂亮的拉花，咖啡面層灑上了茶末，賣相十分精緻，但味道先係奧義之處，以伯爵茶作配搭混入鮮奶咖啡中，組合有點似鴛鴦，口感順滑，入口有清淡的茶味而不失咖啡香味。

雞蛋仔與雞，＄98，香脆炸雞及雞蛋仔沾上了薑汁糖漿，炸雞咬落口感香脆肉嫩，有陣陣的薑味，薑味唔算好強烈，同糖漿的甜味平衡。

雞蛋仔食落反而好重薑味，可能沾上較多的薑汁。

茶杯裏的朱古力，$58，用瓷器蓋杯盛載甜品，賣相十分精美。

朱古力巴伐利亞奶凍，面層有山楂、桂花、士多啤梨及藍莓等，色彩鮮豔，朱古力奶凍入口香滑濃郁，有微淡的桂花清香，鮮果中和了朱古力的甜，都不俗呢。

價值一去的咖啡店，一睹買少見少的騎樓式建築，與其製造懷舊，不如保留懷舊、活化，再一次重生(雖然營造懷舊我都喜歡)，食物有特色﹐有下次呀。

九龍城衙前塱道24號地舖