Morokok

晚上係旺角行街，順便食飯，之前見田會長去過morokok，泰國菜來的，食物好吸引，想試好耐，今次有機會可一試了，位於家樂坊，方便之地。

假日的晚餐時段去，心諗預左多人要等，但去到唔洗等即有2人位，唔係因為人少，而係因為餐廳空間好大﹐環境寬敞，可容納多人，裝潢以摩洛哥風格為主，甚有異國情調，據聞有露天位置及掟錶﹐不過冇走到去看呀。

Menu，食物尚算多選擇，雖然餐廳走摩洛哥風，但呢到係主打泰國fusion菜，因唔太肚餓之下﹐叫了一個小食、湯及甜品。

Drink menu，選擇甚多。

椰青，＄50，清甜解喝。

泰式正宗冬陰功湯，＄108，這裡的冬陰功湯不太辣，酸辣鹹味平衡，有蝦、青口等，味道不俗。

泰式小食拼盤，＄128，有泰式蝦餅、春卷、香茅雞翼、雞卷丸及泰式酸腸，蝦餅口感彈牙，酸腸肉質鬆化微酸，雞翼及春卷正常水準。

雙色芒果糯米飯，＄78，賣相十分鮮豔，糯米飯有紫色(蝶豆花)及青色(班蘭)兩款顏色，口感軟糯，椰香味十足，味道香甜美味，半個芒果微酸。

環境靚又大，食物不俗，餐廳營業時間時11:30 - 01:00，開到咁夜，下次夜晚上來飲杯野都仲得呀。

旺角登打士街56號家樂坊8樓801號舖