2019年6月10日 星期一

秋田浜燒食堂

又是每月一餐的時候,5月之星Paul少生日,因知主角想食日本菜,田會長推介了數間日本餐廳,最後揀了浜燒料理,book了5位,8:00(勞煩左要主角book位~ごめんね>_<”)。
一路往天文臺圍,有數間秋田系列,我們去的是秋田浜燒。






店內裝潢簡約,木系設計,天花板及牆上有日式掛布,木架上擺放了不少日本酒品,甚有和風之感。



嘆杯茶先。

















餐牌,我地5人,要了4個Set及刺身盛。
套餐:
京都(KYOTO set),$498一位
前付:
特上刺身拼盤五點
河豚魚干
漁獲浜燒:
青森殘酷網鮑 2個
北寄貝 1個
北海道帆立貝 2個
人氣蟹味噌甲羅燒
山之惠黑松露茸野菌箔燒
自選食事:
築地海鮮雜炊
甘味

北海漁港(Hokkaido set),$468一位
前付:
河豚魚干
漁獲浜燒:
清酒昆布大蜆煮
兵庫縣活播磨牡蠣 2個
九洲松葉蟹半尾
青森殘酷網鮑 2個
澳洲頂級牛胸肋骨肉
人氣蟹味噌甲羅燒
山之惠黑松露茸野菌箔燒
自選食事:
京都茶漬飯明太子
甘味







串燒餐牌,不過冇點。



Drink menu。

Okinawan pineapple ,$45,果汁燒酎氣酒,淡淡的菠蘿香氣,冇乜酒味。

一手赤蝦,店內有個一手赤蝦的玩意,是一手抓到幾多隻蝦就有幾多隻蝦食(免費的),我地派出主角Paul少去玩。

Thank Paul少(and表妹的努力HA),有10隻蝦食。

即燒。

赤蝦夠大隻﹐味道普通,但有得食有得玩都幾滿足。



仲係生嘅樣,比大家影相,之後拎去燒,呢到嘅浜燒,有專人幫手燒,唔洗自己出手﹐雖然冇得燒玩少樣,但好過自己燒燶左,不要玩食物.jpg,同專人燒我地又可多點時間以吹下水。

河豚魚干,助酒小食,香口惹味,口感有嚼勁。

清酒昆布大蜆煮,蜆肉飽滿,酒味不重。

松盛盒,$238,三文魚(x3)、油甘魚(x3)、 北海道凡立貝及兵庫縣活播磨牡蠣(X2),厚切的油甘魚及三文魚,十分新鮮肥美,凡立貝鮮甜。

特上刺身拼盤五點,跟餐的刺身。

北寄貝,味道鮮甜。

兵庫縣活播磨牡蠣 ,賣燒相飽滿,口感嫩滑爽口鮮美。

北海道帆立貝,肉質富彈性,味道鮮美,都不俗呀。

青森殘酷網鮑﹐剪開了食得邊便又可開心share,網鮑口感柔軟稔滑,好鮮美呀。

九洲松葉蟹半尾,冇乜肉,但有鮮香味。

澳洲頂級牛胸肋骨肉,肉質嫩滑多汁,牛肉味濃,香口又惹味。

人氣蟹味噌甲羅燒,鮮香味極濃,好惹味,配上脆米通更有口感。

山之惠黑松露茸野菌箔燒,有清淡的香氣,野菌口感鮮嫩。

築地海鮮雜炊,試了一點,都是有點偏鹹。

京都茶漬飯明太子,最近對茶漬飯有興趣,材料有喜歡的明太子,必食!可能因為是明太子,比平時食到的茶漬飯味道略為偏鹹。

抹茶雪糕,濃厚抹茶味,食埋個甜品好滿足。

 價格略貴﹐但食物有水準,服務態度不俗。

尖沙咀天文臺圍8號地下

沒有留言:

張貼留言