Oldish

悠閒的星期日，不想去擠迫的街道，不想排隊先有得食野坐下，忽然想到一個地方，就是久違了的上環，走過靜靜的斜路，來到了一間古老cafe。

裝潢甚有復古味道，周圍擺放了不少懷舊擺設，播放著經典的音樂。

我們2人坐窗邊bar枱位置，看著出面的風景，感覺寫意自在。

要了set A & set B ，餐飲加了$15轉coffee。

嘆咖啡，看著靜靜的斜路，偶爾有人經過，有放狗散步的、影婚紗的、獨自漫步，我都八卦在看。

Cappuccino，跟餐加$15，咖啡香濃順滑，好醒神呀。

Mocha，友人的。

好靚的拉花。

Oldish All Day Breakast，$148，有炒蛋、煙三文魚、香腸、煙肉，炒菜，蘑菇、番茄、薯餅、焗豆及拖鞋麵包等，份量豐富，其實All Day Breakast，用料多是急凍即食，睇用唔用靚料，最令我在意是個炒蛋，要技巧，炒蛋夠滑，味道正常，蘑菇香口，其他味道不俗。

Four Cheese Wagyu Beef Burger，$158，以4款芝士及和牛而成的漢堡，聽落都好吸引，賣相好似UFO幾特別呀，漢堡是用提子包，味道甜甜地，中間的芝士脆片，口感薄脆有濃郁的芝士味鹹鹹地，味道鹹鹹甜甜有層次，牛肉厚身，不過乜牛肉味但口感軟腍，配上半溶的芝士變得好味，薯條粗身，熱騰騰味道不俗，沙律有好香的柚子醋味，中和了芝士的漏。

環境復古有特色，感覺寫意自在，又唔洗限時，坐得幾舒服，食物有水準，服務態度親切，真正relax中的空間呀，有機會再去多轉。

上環東街53號地舖