温野菜

難得的4人晚餐，大家差不多9:00才食飯，去左海港城搵食，天氣涼不如食火鍋，便去了温野菜，之前成日見到有人排隊，但可能因為平日，加上又夜，等左陣好快有位了。

內堂甚有和風之感，以木系為主調，柔和的燈光，有一種溫暖的感覺。

落單好方便。

醬油及柚子醋。

碗內有塊渣隔，可將湯渣隔去，食得方便。

4人，每人要了不同的湯底，有骨膠原柚子鹽湯、秘傳月見壽喜湯、鰹魚湯及有機豆腐湯。

骨膠原柚子鹽湯，$29，貪得意試下，要了這個，的確係有好香的柚子味，少少鹹少少甜，味道一般。

美國上級牛肋肉，$69，一盤有4片，剛剛好每人一片呀，薄身，油花多，有牛味。

熊本豚梅肉，$39，肉質有咬口，味道普通。

熊本豚肉眼，$39，肉質比較軟，味道不俗。

澳洲M9和牛肩脊肉，$89，有5片，口能帶點嚼勁，有牛味但不算濃郁。

自家製福袋年糕(兩件)，$29，本身鍾意食，但年糕不夠軟冇乜味呀。

小松菜，$22及旺菜，$15，爽口清甜。

芝士燒魚卷(4件)，$29，想起吉野家的芝士竹輪卷，芝士餡份適中，味道不俗。

木綿豆腐(4件)，$19，正常水準。

芝士年糕丸(4件)，$19，芝士饀多味道濃郁，年糕口感糯軟，幾好味呀。

豚肉餃子(4件)，$25，熟後扁扁地，好細件，但餡料不算小，味道普通呀。

紫蘇梅子免治牛肉，$29淡淡的梅子味，味道普通。

烏冬，$15，口感滑溜呀。

溫野菜特飲，$26，菠蘿及橙味，味道酸酸甜甜，幾清新呀。

玉子雜炊，張火鍋湯底倒入白飯中，加入玉子雜炊配料拌勻即可食用，個飯吸引了火鍋湯底的精華，好入味，鹹鹹地帶甘香，幾好味呀。

每人約$2XX，食物水準同吉野家差不多，只係蔬菜好少許，唔太抵食呀。

尖沙咀廣東道17號海港城海運大廈LCX 3樓37A號舖