7月時上網見到有$68大大隻德國脆皮豬手優惠卷，咁抵食，當然要去試下，book了4位，8:00。
餐廳位於地庫。
裝潢以紅黑為主，牆身的油畫，耀眼的中古世紀鐵甲，戴點古典型格之感，餐廳內有一個小型表演場地，每晚也有不同本地樂手演唱，名副其實的Live House。
為德國脆皮豬手而來，點餐時先要出示優惠卷。
聽說餐廳除了以音樂做賣點外，時興手工啤酒也是出名之一，多款來自英國及德國啤酒，一於試下，可惜那天餐牌以上的只有一款啤酒提供......冇得揀呀。
Badger First Call，$78，只有呢款啤酒，侍應說剛開箱的未雪凍，只好加冰了。啤酒口感順滑不太苦，可惜不夠凍。
Apple yogurt，$68，mocktails，友人的。
芝士乳酸黃金薯條，$79，熱騰騰的粗身薯條，好多芝士醬，香口惹味，配上酸酸的乳酸醬，口感creamy更滋味呀。
乳酸醬。
特色卡邦尼意粉，$108，意粉口感軟硬度適中，白汁同配料都多，不過味道唔算突出，正常水準呀。
白酒青口燴意大利飯，$108，有6粒青口，而且大粒，味道不俗，燴意大利飯味道濃郁，份量適中，口感比較軟身，都幾好味呀。
德國脆皮豬手，優惠價$68，豬手皮脆，但肉質不算嫩，味道香口，都幾抵食。
整合味道正常水準，但有LIVE音樂氣氛不俗，加上好像有不少優惠，但美中不足的啤酒不夠凍同好野多都冇呀。
旺角彌敦道731號地庫
沒有留言:
張貼留言