鳴 Fusion

又是每月一餐的時候，今次選了放題，每位$188，任食兩小時，book了4位。

店子是簡約和風設計。

即睇有咩食，食物選擇並不多。

自助取罐裝汽水。

先來一盤刺身，要了三文魚、 希靈魚、甜蝦、榮螺片及玉子，甜蝦不俗，其他刺身普通，玉子好薄片同冇味。

芝麻八爪魚，味道正常，但醬汁好杰。

芝士年糕，芝士味淡。

吉列蠔，外層口感好硬，似返炸。

炸蝦、蕃薯、香蕉及蟹棒天婦羅，炸粉太厚同硬。

鐵板煎青口，味道偏鹹。

孜然香辣燒雞肉，本身孜然都是較突出的調味，但這碟太重手了，味道太濃烈。

再來一盤刺身。

肥牛火鍋，湯底都幾鹹，令食物都變得鹹了。

燒茄子，立眼個樣有點似聖子，味道正常。

燒紅布腸，硬左點呀。

鐵板炒和風牛肉，香口惹味。

再追加芝士年糕，吉列蠔比之前的還要燶，因為本身有叫燒牛舌，以為好大件的是不是牛舌舌(因叫左好耐都未上)，正好奇咁大件仲要唔切開之下，原來的雜菜餅來的，味道一般，最後都係冇牛舌的呀。

燒菠蘿，味道普通。

差不多係放題都有的雪糕。

有得捉精靈。

伏味濃，唔好食，埋單時先講收CASH，話卡機壞了(雖然都唔怪得佢地)，但態度有點劣，唔係念在有個職員幾好人(因我地果時仲要未齊人，佢肯比我地入去坐住等，等到齊人先開始計時)，堅想話佢負分。

尖沙咀亞士厘道27號捷利商業大廈3樓