樂天皇朝

三位女子去維園捉pokemon，順便係銅記食飯，揀左想試好耐的樂天皇朝，比佢的特色皇朝小籠包吸引了，準時放工好早去到，等左10分鐘有位。

店內面積頗大，位子多，餐廳中央有個長方形的蓮花池，甚有氣派。

即睇有咩食，點知咩都想食叫左9款小菜。

餐前小食，$15，花生口感腍腍地幾好味。

三色瑪瑙蛋，$52，好特別的菜色，賣相似甜品，上層白色是鹹蛋，下層是蛋黃及皮蛋而成，口感比較爽滑，而且冰涼，味道不俗。

上海炒飯，$78，睇個賣相就知入味，食落果然好香口，炒飯粒粒分明，而且足料，幾好味呀。

竹筒剁椒魚片，$108。

用竹筒盛載賣相已經加分，配材用上大量的酸菜、蔥花及紅辣椒粒等，大塊的魚片，味道香口麻辣，有點像水煮魚之感，岩愛辣的人仕。

原味小籠包，$68，有6粒，賣相平平，夾起小籠包，唔易穿低，皮亦唔算厚，但口感上硬左少許，湯同肉份量適中，味道正常水準。

特色皇朝小籠包(八色)，$98，主角出場，色彩繽紛的，有8粒不同味道。

招牌原味小籠包

芝士小籠包(黃)

人參小籠包(綠)

麻辣小籠包(紅)

蒜香小籠包(灰)

黑松露小籠包(黑)

蟹粉小籠包(橙)

鵝肝小籠包(啡)

，試二數款，芝士小籠包(黃)-淡淡的芝士味，味道普通﹐人參小籠包(綠)，人參味突出，但味道唔太夾，其他的是友人試，評價是普通呀。

刀切炸饅包，$18，幾抵食，不過口感有點硬。

蘿蔔絲酥餅，$36，外層酥脆，餡是熱騰騰的蘿蔔絲，幾好味呀。

宮廷驢打滾，$35，好多人叫的甜品，似乎是出名之一，口感軟糯，紅豆餡香甜，幾好味呀。

高力豆沙，$42，口感太實了，不夠軟，紅豆及香蕉餡微甜呢。

當然又捉下pokemon呀。

3個女子食9碟小菜，都幾飽呀，平均每人$2xx都幾抵食，環境坐得舒服，味道不俗呀。

銅鑼灣波斯富街99號利舞臺廣場6樓