假期前夕，約了Yan出來行街食飯兼比手信，晚飯時段旺角多數都好多人，於是轉戰比較清靜太子，搵了一間cafe。
門店是白色的磚牆，有個白雲logo，搶眼的迴旋木馬及小擺設，有夢幻樂園之感。
餐牌也畫了不少公仔，蠻有心思。
是小小的店子，藍白色牆身，掛有水晶吊燈，木架擺放了精品及酒瓶、貼有不少照片，簡潔的歐陸風格，有舒適的感覺。
Set dinner，套餐平均都是百幾至二百多，有餐湯、餐飲、沙律、主菜及甜品，尚算抵食。
+$15可轉其他飲品，太想飲latte，於是照轉了。
Rose latte，好靚的心心拉花，加上玫瑰花瓣點綴，賣相美觀，咖啡味香，有淡淡的玫瑰花香氣，味道不俗。
Yan的榛子latte。
忌廉粟米湯，口感香滑。
田園沙律，沙律菜新鮮，配上黑醋伴食幾開胃。
香辣鮮蝦意大利飯，$128，意大利飯口感煙韌，味道濃郁，香辣而帶點鮮味，有少少蝦肉，入味又爽口，炸蝦香脆好味，不過乾左少許。
煙三文魚蜆肉天使麵，$118，份量十分的天使麵，煙三文魚及蜆肉都多，有好多白汁，天使麵幼滑，口感creamy，味道濃郁，好味呀。
士多啤梨慕絲蛋糕，清香的士多啤梨味，慕絲軟滑，飯後食埋甜品真係好滿足呀。
抵食的晚餐，環境不俗，坐得幾舒服，服務態度值得一讚，店員有禮貌而且反應好快，下次去旺角行街又可到冇咁多人的太子搵食了。
太子界限街23號地下C舖
沒有留言:
張貼留言