Herbs And Spices

初五約了表妹去元朗行街食野,經過呢間小店,見到下午茶幾吸引,仲有all breakfast,於是就試下了。

小小的店子,簡約注意的設計,播放著輕快的音樂,感覺舒適。

下午茶,要了set E及set I 。

果茶,表妹的,粉紅色的杯子好可愛。

blue orange Latte,跟餐加$15轉了latte,很漂亮的拉花,blue orange感覺幾特別,有少少橙的清香,估唔到味道不俗呀。

全日早餐,$62,有炒蛋、牛仔腸、煙肉、沙律生果、薯條及烘包,份量不少,仲要大大件,本身的薯餅換了薯條(因售罄),粗薯條,熱騰騰好味呀,炒蛋夠滑,沙律菜及爽口的哈蜜瓜十分清新,味道不俗。

炸魚薯條,$48,份量好多又大件,炸魚外皮脆,入面的魚柳肉質軟滑又夠熱,好味呀。

新年時段都不收加一,抵食夾大件的下午茶,食物不俗,坐得幾舒適,服務態度好親切,走時還祝大家新年快樂呢,下次可再來幫襯呢。

元朗教育路81號元達樓地下