友人生日飯,想拆餐勁,一於去食放題,上網見到呢間店子評價不俗,尖沙咀又就腳,於是呢間了,放題分了兩個時段選擇,book了8:45-10:45,每位$268,任食2小時。
餐廳出名的是即劏藍鰭吞拿魚表演,即劏即食,不過我地今次個時段冇,是其他限定食物。
店內面積頗大,裝潢是以木系為主,掛有日式布簾及裝飾等,帶點日本風情,暖色的燈光,感覺relax。
我們坐的位置,像廂房一樣的卡位,感覺有個人空間,坐位寬敞,十分舒適呢。
精緻的盒子裡是落單紙,食物有刺身、壽司、炸物、天婦羅、沙律、串燒、一品及元氣料理等,
很多選擇,每樣要了一點點。
飲品有熱茶及罐裝飲料,還有甜品雪糕呢。
要了翡翠檸檬綠茶。
先來一盤刺身,賣相好靚,有三文魚、油甘魚、厚燒玉子、甜蝦、北海道帶子、吞拿魚及福射相撲甜蝦,刺身好新鮮,"福射相撲甜蝦"個名好盞鬼,十分大隻的蝦,味道鮮甜爽口,好味呀。
芝士煙肉蠔,好惹味。
Good酥,個名好特別,微熱的,酥脆的皮,餡是黑松露、帶子及薯蓉,幾好味呀。
牛油清酒煮大蜆,少少的酒味,味道不俗。
食食下聽到廣播,餐廳不時都會有廣播推出限定食物,大家也會鬥快舉手及出去排隊拎,甚有熱鬧氣氛,第一轉的限定食物就是燉雞湯。
熱騰騰的燉雞湯,小心燙口,味道有水準,而且好足料呀。
海膽香蔥吞拿魚壽司,喜歡佢壽司細細件,唔會咁易飽,,可試多幾款,海膽香蔥吞拿魚味道鮮味。
芒果帆立貝鵝肝壽司,配搭特別,帆立貝鮮甜,小小的鵝肝甘香加上芒果,味道清新有層次,不俗呀。
柚子芥茉帆立貝壽司,少少的柚子香,味道清新。
黑松露鵝肝壽司,甘香可口。
芝士年糕,好多芝士,口感煙韌,好味呀。
吉列廣島蠔,正常水準。
日本溫泉蛋,正常水準。
虎蝦天婦羅,果然是即叫即炸,夠熱的炸蝦,口感脆而且唔會好油膩,不俗呀。
脆皮香蕉.味道香甜。
日本蕃薯天婦羅,正常水準。
酥炸蛀牙餅,因為特別之下點,賣相好似冬菇,其實是炸oreo,之前都聽聞過此食法,今次可試下,只是朱古力餅,沒有饀的,口感脆,少少熱,一樣好甜。
安格斯一口牛粒,肉質軟腍,牛肉味濃,好惹味呀。
鹽燒牛舌,味道普通。
燒菠蘿,正常水準。
第二轉限定食物-是燒香草羊鞍,吸引了大家出去排隊拎,我也不執輸呢,每人限拎兩件。
燒香草羊鞍,即趁熱食,外皮香脆,香口惹味又唔羶,好味呀。
好快又出第三轉限定食物-宮城縣生蠔,至愛生蠔,必食呀,即去排隊。
肥美的生蠔,好新鮮呀,肉質柔軟,淡淡的海水味,好味呀。
食食下,突然熄晒燈,原來係玩驚喜,即場播生日歌及送生日蛋糕比壽星仔女,全場食客大家一齊慶祝,好有氣氛呀。
生日快樂~放煙花蠟燭,好靚呀。
"生日蛋糕"十分精美,是鮪魚他他來的,有鮪魚蓉、洋蔥、青瓜及紅椒等饀料,三文魚及吞拿魚填成花,用可愛的鏟子把刺身、他他及沙律醬舀落梳打餅上伴食,食法及賣相也花了不少心思呢。
即試下先,口感十分豐富,而且味道清新。
是日甜品,焦糖燉蛋,微熱的,香甜美味。
食到好飽,嘆返杯茉莉綠茶先。
甚有歡樂氣氛的放題,店員好識攪氣氛及驚喜,而且有禮貌,食物有水準,上菜速度快,坐得又舒服,好滿足的一餐飯呀。
尖沙咀寶勒巷6-8號A盈豐商業大廈2樓全層
沒有留言:
張貼留言