正記菜館

放假一家人出去食晚飯,今次去比較遠的元朗,因為有好多選擇呀,想去有大排檔風貌、叫餸食飯的地方,於是揀左呢間店子。

店子分了兩個舖位,舖位也分了上下兩層,晚市時段還有露天的位置呢。

即睇有咩食。

粟米魚肚羹,$70,有好多魚肚及粟米粒,味道不俗。

蠔仔餅,$60,好耐冇食蠔餅了,本身係好鐘意食呀,外層炸得香脆,入面有足料的蠔仔,好味呀,不過係油膩左少許。

肉碎蒸蛋,$75,蛋都幾滑,但蛋味較淡,入面有少許的肉碎,配上像美極味道的豉油,味道不俗。

椒鹽九肚魚,$90,口感香脆好惹味,內裡魚肉嫩滑,好味呀。

西蘭花花枝片,$85,好大粒西蘭花,有點硬,花枝片幾爽口,正常水準呀。

沙嗲金菇肥牛煲,$75,沙嗲味太淡了,肥牛份量太少,一般呀。

整體價格合理,食物有好味有一般,不過都幾有風味,下次可再戰呀。

元朗金輝徑28號好盛洋樓地下4號舖