Outback Steakhouse

又是每月一餐的時候,10月之星田會長生日飯,4人去了OUTBACK食,好耐冇食過了。

黑糖麵包,賣點之一,微熱的麵包,味道甜甜地,好鬆軟,好味呀。

磨菇湯,正常水準。

香脆薯條混芝士,粗薯條配上車打芝士及煙肉粒,好惹味呀,點埋沙律醬更加好食。

特製洋蔥花球,賣相好似菊花,炸洋蔥好香口惹味,配上蛋黃辣醬更滋味。

西冷牛扒配鮮蝦蘑菇,西冷牛扒,好厚身,煎得好香,肉質鬆化,配的鮮蝦爽口,但失敗的是忌廉汁冇了蘑菇,焗薯仔好大個,加上酸忌廉,好味呀。

地中海式雞肉寬條麵,有雞肉及番茄,份量適中,寬條麵味道一般。

肉眼牛扒拼豬肋骨,好有份量的組合,豬肋骨肉質軟腍好入味,肉眼牛扒,有點比較遜色。 

Classic Mojito ,薄荷葉加青檸,味道清新。

芒果草莓冰沙。

面層是忌廉及雲呢拿雪糕,下層是微暖的果仁朱古力軟餅,濃郁的黑朱古力味,一冷一熱有層次好味呀。

芝士餅,伴朱古力醬,味道普通。

味道依舊但份量縮水,百物騰貴冇計呀。

荃灣荃灣青山公路398愉景新城購物商場3樓3004號舖