行到朗豪坊時正是晚飯時間,經過此店,是沖繩料理,出名的是炸包,好眼熟,像是新蒲崗那家,原來是分店來的,反正未試過,一於試下了,都幾多人要等位呀。
店內的麵包師傅公仔十分搶眼,色彩繽紛的佈置,光猛的太陽燈,感覺好夏日,牆上有沖繩吉祥物獅沙,有特色呀。
泡盛辣椒,沖繩的特產,試了點,好辣,但辣味一陣子就散了,同帶有酒味,幾特別呀。
要了2人餐,set D,$168,有一個飯+意粉+小食拼盤+玄米茶X2,好似幾抵食呀。
出名的炸包,有4款口味,每款都好吸引呀。
落order紙。
沖繩風小食拼盤,有芝士雞翼x4、素肉鬆薯條、水雲椰菜沙律及炸包,芝士雞翼外層有脆粒,口感脆,幾惹味,但唔太有芝士味,素肉鬆薯條正常水準。
要了北海道紅豆,外層香脆鬆軟,入面是紅豆及日本年糕,味道甜甜地,口感煙煙韌韌,幾好味呀。
水雲椰菜沙律,水雲第一次聽,原來是海藻，口感黏滑,味道新清,幾特別呀。
大蝦椰子忌廉咖喱意大利粉,大蝦香口好味,意粉口感好硬又乾,又冇忌廉咖喱味冇汁,唔好食呀。
墨魚汁海鮮炊飯,炊飯口感不俗,有淡淡的墨魚汁味,魚塊香脆,但不是太特別好食。
凍玄米茶。
炸包的確好味,其他食物好普通。
旺角亞皆老街8號朗豪坊10樓21-25號舖
沒有留言:
張貼留言