2015年10月4日 星期日

忠誠茶座泰國菜

難得的5人聚會,人越大,好珍惜大家見面的日子,一於揀有特色的餐廳食飯,田會長推介大埔的泰國菜,本身都聽過下幾出名,一於呢間了,位置雖偏遠,但有巴士站在近,都幾方便呀。




我地提早來到,冇BOOK位,原來晚市開6:00,時間剛好,排左陣隊即有位了。


環境好大,露天茶座,感覺悠閒寫意,開風扇涼涼地,坐得都幾舒服。


有特色的餐具。


雖然有心水,但都即睇有咩特別野食呀。

椰青,$45,掙扎左一陣決定要椰青,明智之選,好清甜呀。


狂掘椰肉出來食,好多肉,好味呀。


多野菠蘿特飲,$58,個名好易令人讀錯,試左一啖,味道係有香菠蘿味,但不算太突出。


冬陰公,$88,最期待的,瓦煲上的,保持溫度。




有3隻大蝦,頗足料,冬陰公湯,酸酸辣辣的味道,椰香味濃,不會太鹹,好味呀。


綠咖喱,$68,揀了牛肉,好濃的椰香味,香香甜甜,少少辣,牛肉份量適中,好味呀。


焗薄餅,$42,好喜歡呢個有特色造形,脹卜卜的賣相,口感酥脆又煙去韌,伴咖喱食一流呀。


蝦餅,$68,有4個,外層香脆,入面蝦餅爽口彈牙,好味呀。


香茅雞翼,$62,好惹味呀。


原個菠蘿海鮮飯,$98,有青口、魷魚、蝦等,好足料,飯炒得粒粒分明,淡淡的菠蘿味,配料有豬肉鬆及提子乾,令味道鹹鹹甜甜,都不俗,但菠蘿味不夠香濃呀。


最後食晒椰青的肉呀。

食物好高水準,環境是露天茶座更有風味,下次要再戰呀。


大埔汀角路大尾篤村69B-72號地下




沒有留言:

張貼留言