咖啡灣

上網睇到介紹大埔有咩美食,見到有軟殼蟹意粉咁特別,即吸引左去試下,平日8點去到,已經好多人等位,起碼等左半小時先入到去呀,就入去之前,店員已經問定食咩落定單,好快的效率。

小小的店子,裝潢以水藍白色為主,簡約的設計,牆上有不少掛畫,天鵝LOGO十分搶眼。

適逢halloween時節,店子有嘩鬼的佈置。

坐底冇耐已遞上咖啡,好快呀。

玫瑰鮮奶咖啡,$33,好靚的玫瑰拉花,咖啡面層上有玫瑰花瓣碎點綴,實在太點題了,咖啡香滑,有陣陣玫瑰香氣,不俗呀。

榛子鮮奶咖啡,$33,拉花好像天鵝。

軟殼蟹卡邦尼蛋汁意粉,$88,主角出場,但軟殼蟹賣相有點走樣,不過都係吸引到我既,炸軟殼蟹,香脆好味,意粉好多醬汁,口感creamy,好味呀。

芝士焗什薯皮,$45,薯皮夠腍,有好多芝士,味道濃郁又豐富,好味呀。

鮮草莓雪糕窩夫,$60,粉紅色的外觀,吸引不少女子,微熱的窩夫,口感外脆內軟,配上草莓雪糕食,一冷一熱有層次,有草莓作伴,酸酸甜甜不會太漏,幾好味呀。

有抽獎優惠卷,本身想抽,但最後唔記得左。

食物有水準,價性合理,服務有效率,因為我們是2人,剛好派到當眼的門口吧枱位(成日會比等位的人看到),店員有問我地介唔介意,如果介意就再等下張枱,我地唔介意坐了,覺得佢地都幾細心呀,會問左個客先,加左分呀。

大埔太和路15號太和中心9號舖