Sister Korea Cafe

上網見到呢到的菠蘿冰好吸引,於是便專登去試下,講真好少可入大圍,睇左陣地圖先搵到。

店內面積頗大,裝潢是以懷舊韓式家庭為主題,格仔梳化、彩色膠椅、木色家具,擺放了懷舊家電,既有家的感覺亦帶點懷舊,另一個位置是鐵皮塗鴉牆身及指示路牌,充滿韓國特色。

餐牌也十分有心思,食物圖是用繪畫的,像插畫本一樣,好靚呀。

前菜,是泡菜及芽菜,還有海帶瘦肉湯,好多瘦肉碎呢。

韓國菠蘿冰,$58。

原個菠蘿,感覺好爽,入面是菠蘿沙冰,菠蘿肉香甜,好清新呀,本身覺得有點貴,但咁大個菠蘿同幾好味,物有所值呀。

韓式原味炸雞,$42,有5件,有點比KFC炸雞,外層香脆,不算太油,正常水準。

漢拿山芝士蛋溶岩豚肉炒飯(辣),$128,招牌之一,本身是芝士愛好者,必食,呢道菜的賣點之處,就是會有專人在客人面前製作炒飯,感覺上被重視,好有誠意呀。

加上豚肉、泡菜及紫菜即叫即炒。

倒上蛋漿。

加上芝士,完成,好吸引呀。

平均分配。

味道香辣的粒粒炒飯,幼滑的芝士及蛋令口感更豐富,幾好味呀。

既有韓國特色,又有家的感覺,好warm,坐得十分舒適,食物有水準,店員多是韓國人,十分有禮貌,

整體蠻有心思的餐廳呀。

大圍翠田街2號新翠商場地下17,18 &18A號舖