大蕃薯

約左桂去粉嶺食飯,主要想試下個蕃薯奶茶,想試好耐了,近期真係食左不少關於薯的食品。

設計上沒甚麼特別,但有空間感,坐得幾舒適,平日的夜晚冇乜人。

兩個都是食肉獸,點了比較出名的SET B & G 呀。

蕃薯奶茶,終於試到了,口感比較杰身,真的有蕃薯蓉,香蕃薯味,甜甜地,不俗呀。

牛油法包及羅宋湯,正常水準。

芥蜜脆皮原隻咸豬手,$158。

賣相好吸引,好大隻呀,外皮香脆食咸豬手最怕硬得制切唔開,但呢個好易切,外皮香脆,肉質嫩滑,夠鬆化,而且唔算好鹹,幾好味呀。

炭燒8OZ安格斯肉眼扒,$168,比較多肥膏的安格斯肉眼扒,牛肉味濃,好juicy,因多肥膏之下更惹味香口,都不俗呀。

整體水準不俗,不過位置真係比較偏遠,可能太少去,不停迷路了,但粉嶺好似幾多野食,下次要再戰呀。

粉嶺聯和墟聯昌街7號