約左Aeris食飯,好耐冇二人食了,咁難得一於食餐好的,上網見到呢間燒肉放題幾平,$188任食2小時,仲要有刺身食,而且係旺角又就腳,一於試下,book了7:00,二位。
餐廳面積不算好大,氣氛熱鬧,牆上掛有日本女子手繪,用的是和室吊燈,帶點和風感覺。
落了幾級樓梯的位置,有數張枱,空間比較闊絡,可以自成一角,坐得幾舒服。
爐面鋪了一張牛油紙,,燒肉時不會太易燶及防止左黐底,好方法呀。
加$40可享用升級放題,多了六款食物,見到有帶子、羊架同虎蝦已經好吸引,一試照加了。
食物除了燒肉外,還有燒海鮮、刺身、炸物、和食及野菜等,汽水及涼茶等任飲。
未燒之前,先來個刺身,甜蝦及三文魚,味道不俗。
章魚、馬刀貝及帶子,帶子鮮甜,幾好味呀。
燒海鮮,有大虎蝦、青口、帆立貝,及芝士麻吉。
燒肉,鹽燒/地獄牛舌、香草羊架、一口和牛及芝士豚拖羅。
開動了,有牛油紙墊底之下真係易燒好多,快熟又唔燶。
第一轉,香草羊架,香口惹味,一口和牛,肉質鮮嫩,味道濃郁又多汁,必追加呀,鹽燒牛舌爽口,芝士豚拖羅肥美,但芝士味不太濃。
燒海鮮,味道好香。
大虎蝦及帆立貝,味道香口鮮味,青口普通,芝士麻吉好多芝士餡又彈牙,估唔到幾好食。
好快又食第二轉,試埋秘製牛柳肉、香草羊件、香草雞翼,墨魚軟骨及蒜香腸。
追加了一口和牛。
秘製牛柳肉口感豐富,香草羊件鬆化好味,香草雞翼正常水準,,蒜香腸有點似台灣腸,好香口多汁。幾好味呀。
三文魚骨及墨魚軟骨等。
鹽燒牛肋肉質感嫩滑,三文魚骨燒半熟味道不俗,墨魚軟骨幾爽口味道普通。
食左咁多肉,燒下野菜類中和下,玉米及野菌,本身喜歡燒粟米,要了三文魚頭湯,試點炸物,地瓜/蝦/野菌天婦羅,不算炸得太脆。
甜品,放題必有的雪米糍,是香芋味呢。
精選甜品是意大利芝士蛋糕,有蛋糕食,好滿足呀。
抵食的燒肉放題,肉類多選擇,而且有水準,服務態度值得一讚,店員會主動留意要不要換牛油紙,上菜速度快,又有禮貌,食得好盡興的一餐,下次會再戰呀。
旺角砵蘭街104號
沒有留言:
張貼留言